Aprelin 30-da Qətərdə Ərəb Dövlətləri Liqası - Mərkəzi Asiya - Azərbaycan Respublikası Əməkdaşlıq və İqtisadi Forumunun 3-cü iclası keçirilib. 

Tədbirdə çıxış edən xarici işlər nazi­ri Ceyhun Bayramov Azərbaycanın tarixi və mədəni tellərlə bağlı olduğu Mərkəzi Asiya və ərəb ölkələri ilə diplomatik və iqtisadi münasibətlərinin inkişaf perspek­tivlərindən danışıb. 

Azərbaycanın Avrasiya məkanında istər Orta Dəhliz vasitəsilə Mərkəzi Asi­yadan keçməklə Avropa və Çin arasında, istərsə də, Körfəz ölkələrinə qapı açmaq­la Şimal və Cənub arasında strateji yer­ləşmə mövqeyi qeyd edilib. 

Xüsusilə, geniş alternativ enerji po­tensialına malik olan Azərbaycanın bu sahədə sərmayələrin təşviqinə əhəmiy­yət verdiyi, bu istiqamətdə artıq Birləş­miş Ərəb Əmirliklərinin “Masdar”, habelə Səudiyyə Ərəbistanının “ACWA Power” şirkətləri ilə birgə bərpaolunan enerji la­yihələrinin reallaşdırılmasının əhəmiyyəti qeyd olunub.

COP29-a hazırlıq işlərindən də da­nışan nazir vurğulayıb ki, Azərbaycan COP29 sədrliyi zamanı Qoşulmama Hərəkatına rəhbərliyi təcrübəsindən is­tifadə edərək, müxtəlif inkişaf səviyyələ­rinə malik “Qlobal Şimal” və “Qlobal Cə­nub”u bir araya gətirməkdə qərarlıdır. 

Sonda forumun yekunlarına dair qəbul olunmuş Doha Bəyannaməsində Ərəb Liqası-Azərbaycan və Mərkəzi Asiya for­matı qarşılıqlı maraq doğuran məsələlər üzrə mövcud ikitərəfli və çoxtərəfli əmək­daşlığı dəstəkləyən dəyərli platforma kimi qiymətləndirilib.

Doha Bəyannaməsində, eyni zaman­da, Azərbaycan və Ermənistan arasın­da normallaşma prosesinə dəstək, sülh müqaviləsinin tezliklə yekunlaşdırılma­sına dair çağırış, habelə Azərbaycanın 4 kəndinin qaytarılmasını nəzərdə tutan delimitasiya razılığının əhəmiyyətinə vur­ğu öz əksini tapıb.

Ölkəmizin 2024-2026-cı illər ərzində Asiyada Qarşılıqlı Fəaliyyət və Etimad Tədbirləri üzrə Müşavirəyə (AQEM) sədrliyinin məmnunluq doğurduğu, ha­belə AQEM və Ərəb Liqası arasında birgə layihə və tədbirlərin təşkilinə dəstək ifadə olunub. 

Ölkəmizin COP29 sədrliyinə seçilmə­si məmnunluqla qarşılanıb, COP29 çər­çivəsində iqlim dəyişikliyi ilə mübarizədə dəstək ifadə olunub.

***

Həmin gün xarici işlər naziri Ceyhun Bayramov Qətər Dövlətinin Baş naziri və xarici işlər naziri şeyx Məhəmməd bin Əbdülrəhman Al-Tani ilə görüşüb. 

Tərəflər hər iki ölkənin Xarici İşlər nazirlikləri arasında siyasi məsləhətləş­mələrin və Hökumətlərarası İqtisadi Ko­missiyanın iclaslarının mütəmadi əsasda keçirilməsinin vacibliyini bildiriblər. Bu il ölkəmizin ev sahibliyi etdiyi BMT-nin İqlim Dəyişmələri üzrə Çərçivə Konvensiyası­nın Tərəflər Konfransının 29-cu sessiya­sının (COP29) yeni əməkdaşlıq sahələri üçün əlverişli imkan yaratdığı vurğulanıb. 

***

Dünən xarici işlər naziri Ceyhun Bay­ramov Qətərdə Əlcəzair Xalq Demokratik Respublikasının xarici işlər və xaricdəki milli icma naziri Əhməd Attaf ilə görüşüb. 

Görüşdə Ceyhun Bayramov bu il Azərbaycan ilə Əlcəzair arasında diplo­matik münasibətlərin qurulmasının 30 illi­yi münasibətilə təbriklərini çatdırıb. 

Tərəflər beynəlxalq təşkilatlar, xüsu­silə BMT, Qoşulmama Hərəkatı və İƏT çərçivəsində qarşılıqlı fəaliyyətin hazırkı səviyyəsindən məmnunluq ifadə edərək, beynəlxalq təşkilatlar çərçivəsində na­mizədliklərə və təşəbbüslərə qarşılıqlı dəstəyin davam etdirilməsinin vacibliyini vurğulayıblar. 

Nazir, eyni zamanda, parlamentlərara­sı əlaqələrin inkişafının əhəmiyyətini qeyd edərək, Əlcəzair-Azərbaycan Parlamentlə­rarası Dostluq Qrupu üzvlərinin cari il ap­relin 22-25-də Azərbaycana səfərini yüksək qiymətləndirib. 

***

Aprelin 30-da xarici işlər naziri Cey­hun Bayramov Qətərdə Livanın xarici işlər və diaspor naziri Abdallah Bouhabib ilə görüşüb. 

Görüşdə Azərbaycan ilə Livan arasın­da ikitərəfli münasibətlərin gündəliyində duran məsələlər ətrafında fikir müba­diləsi aparılıb. Nazir Ceyhun Bayramov regionda baş verən son hadisələr, Azər­baycan-Ermənistan normallaşma prose­si, eləcə də 4 kəndimizin işğaldan azad edilməsi ilə nəticələnən razılaşma barədə həmkarına məlumat verib.

XQ