Şəhər icra hakimiyyətində Olimpiya lisenziyalı idmançılarla görüş

Gəncə Şəhər İcra Hakimiyyətinin başçısı Niyazi Bayramov 2024-cü ildə Parisdə keçiriləcək Yay Olimpiya Oyunlarına lisenziya qazanan sərbəst güləş üzrə Avropa və Dünya çempionu Turan Bayramovla və parataekvando idman növü üzrə Dünya, Avropa, o cümlədən beynəlxalq turnirlərin çempionu İmaməddin Xəlilovla görüşüb. 

Görüşdə “Şöhrət” ordenli Əməkdar məşqçilər Elçin Zeynalov və Əli Hacıyev, icra hakimiyyəti aparatının, regional təh­sil, gənclər və idman idarələrinin məsul işçiləri, idman məktəblərinin, idman lise­yinin direktorları iştirak ediblər.

Niyazi Bayramov idmançıları salam­layaraq Prezident İlham Əliyevin ölkənin bütün bölgələrində olduğu kimi, Gəncə şəhərində də idman sahəsinə xüsu­si diqqət və qayğı göstərdiyini bildirib. Şəhər rəhbəri qeyd edib ki, 2024-cü il aprelin 9-da ölkə başçısının Gəncə şəhə­rinə səfəri zamanı möhtəşəm İdman Sa­rayının açılışı, o cümlədən şəhər stadio­nunun təməlinin qoyulması bu qayğının bariz nümunəsidir. Eyni zamanda, Gən­cə şəhərinin 2025-ci ildə MDB-nin İdman paytaxtı seçilməsi də ölkə rəhbərinin yü­rütdüyü idman siyasətinin nəticəsidir. 

Niyazi Bayramov hər iki idmançını təbrik edib və onlara 2024-cü ildə Paris­də keçiriləcək Yay Olimpiya Oyunlarında uğurlar arzulayıb.

Çıxış edənlər Prezident İlham Əliyevin və Birinci vitse-prezident Meh­riban xanım Əliyevanın ölkədə idmanın inkişafına göstərdikləri qayğıdan söz açıblar və ölkə rəhbərinə idman sahəsin­də yaradılan yüksək şəraitə görə minnət­darlıqlarını bildiriblər.

İdmançılar öz növbələrində səmimi görüş üçün şəhər rəhbərinə təşəkkür ediblər.

Məlumat üçün bildirək ki, Turan Bay­ramov Bakı şəhərində keçirilən Avropa təsnifat turnirində finala yüksələrək 2024-cü ildə Parisdə keçiriləcək Yay Olimpiya Oyunlarına vəsiqə qazanıb. Dünya və ikiqat Avropa çempionu olan İmaməddin Xəlilov isə dünyanın ən güclü 8 idman­çısının qatıldığı Qran-Pri final seriyasın­da qalib olub və hazırda dünya reytinq sıralamasında 1-ci yerdədir. O, 2024-cü il Yay Paralimpiya Oyunlarına lisenziya qazanıb.

Hamlet QASIMOV,
XQ-nin bölgə müxbiri

Gəncə