Elektron səsvermə 

Hüquq və İnsan Haqları İnstitu­tunun “Elektron səsvermə: konsep­tual, hüquqi və praktiki aspektlər” adlı yeni tədqiqat işi çapdan çıxıb. Kitab İnstitutun əməkdaşları İ.Əli­yev, G.Ələsgərova, N.İbrahimli, G.A­basova və A.Ariflinin həmmüəllifliyi ilə ərsəyə gəlib. 

Tədqiqat işi seçki hüququnun həya­ta keçirilməsini təmin edən seçki pro­sesinin əsas xüsusiyyətlərinin, prob­lemlərinin, bu proseslə bağlı uğurlu təcrübələrin və inkişaf perspektivlərinin müasir texnoloji tərəqqi kontekstində hüquqi təhlilinə həsr edilib. Kitabda seçkilərin nəzəri və hüquqi məsələləri, o cümlədən elektron səsvermədən is­tifadə etməklə seçki prosesinin həya­ta keçirilməsinin praktiki və problemli aspektləri tədqiq edilərək gərəkli töv­siyələr verilib.

Nəşr 90 səhifəlikdir və seçki pro­sesinin iştirakçıları, hüquqşünaslar, alimlər, tələbələr, eləcə də seçkilərlə maraqlanan geniş oxucu kütləsi üçün nəzərdə tutulub.

İnsan hüquqları

“Silahlı münaqişələr zamanı və münaqişədən sonrakı vəziyyətlərdə insan hüquqlarının müdafiəsi: bey­nəlxalq-hüquqi aspekt” adlı kitab (rus dilində) da həmin institutun məhsuludur. 

Üzeyir Məmmədovla Turqay Hü­seynovun redaktorluğu ilə nəşr olunan vəsaitdə beynəlxalq insan hüquqları və beynəlxalq humanitar hüququn ümumi məsələləri, silahlı münaqişələr zamanı ayrı-ayrı insan hüquq və azadlıqlarının müdafiəsi, eləcə də münaqişədən son­rakı dövrdə onların bərpası və həyata keçirilməsi xüsusiyyətləri araşdırılıb. Bu tədqiqat işində beynəlxalq-hüquqi sənədlərdən, universal və regional səviyyəli məhkəmə və kvaziməhkəmə orqanlarının praktikasından və prese­dentlərindən, habelə doktrinadan geniş istifadə edilib.

İnsan hüquqları üzrə magistr təh­sili alan tələbələr üçün nəzərdə tutu­lan nəşrdən universitetlərin tələbə, doktorant və müəllimləri, hərbi və ya hüquq-mühafizə təhsili müəssisələrinin kursant və müdavimləri də istifadə edə bilərlər.

Qabil YUSİFOĞLU
XQ