ABŞ-ın “ORACLE ADVISORY GROUP” təşkilatı Azərbaycanda keçiriləcək növbədənkənar prezident seçkiləri ilə bağlı apardığı seçkiqabağı sorğuya dair tədbir təşkil edib. Tədbirdə təmsil etdiyi təşkilat barədə məlumat verən Vlada Galan “ORACLE ADVISORY GROUP” təşkilatının ABŞ, Macarıstan, Rumıniya, İsrail, Çexiya da daxil olmaqla, dünyanın bir çox ölkələrində seçki prosesini izlədiyini bildirib. O deyib ki, Azərbaycandakı seçkilər onların iştirak etdikləri 25-ci qlobal səsvermə olacaq. V.Galan ölkəmizdə keçirilən seçkilərdə artıq 5-ci dəfədir iştirak etdiklərini bildirib. Bəlli olub ki, təşkilat prezident seçkilərini üçüncü dəfə izləyəcək.
Təşkilatın digər nümayəndəsi George Brinbaum Azərbaycanın 40 bölgəsində səsverməni müşahidə edəcəklərini deyib. O, Qarabağ və Şərqi Zəngəzura da gedəcəklərini və əsasən, 4-5 mövzu üzrə sorğular aparacaqlarını bəyan edib. Buraya əsasən, ölkənin iqtisadi vəziyyəti, təhlükəsizliyi, Qarabağdakı qazanılan uğurlar daxildir. Onun dediyinə görə, 25 nəfərdən ibarət nəzarətçi respublikanın 500 məntəqəsində müşahidə aparacaq. Sorğuda alimlərin, ziyalıların fikirləri də öyrəniləcək.
Hər 3 saatdan bir daxili hesabatın hazırlanacağını diqqətə çatdıran “ORACLE ADVISORY GROUP” təşkilatının nümayəndəsi seçkiqabağı sorğu ilə bağlı nəticələrin gələn həftə açıqlanacağını diqqətə çatdırıb.
Növbədənkənar prezident seçkilərində səsvermə günü “exit-poll” keçirmək üçün MSK-yamüraciət edənlərdən biri də Vətəndaşların Əmək Hüquqlarını Müdafiə Liqasıdır. Liqa “exit-poll”uABŞ-ın “ORACLE ADVISORY GROUP” təşkilatı ilə birgə keçirəcək.
Əliqismət BƏDƏLOV
XQ
