Yanvarın 18-də Azərbaycan İstiqlal Muzeyində 20 Yanvar hadisələrinin 34-cüildönümünə həsr olunmuş“Unudulmaz yaddaş” adlı toplantı keçirilib. Tədbirdə 3 nömrəli Uşaq-Gənclər İnkişaf Mərkəzinin dərnək üzvlərinin hazırladığı bədii kompozisiya təqdim olunub.
Qeyd olunub ki, otuz dörd il əvvəl yanvarın 19-dan 20-nə ötən gecə doğma Vətəninin, xalqının azadlığını, şərəf və ləyaqətini hər şeydən uca tutan vətənpərvər Azərbaycan övladları canlarından keçərək şəhidlik zirvəsinə ucalıblar.
Bildirilib ki, Vətənin müstəqilliyi və ərazi bütövlüyü uğrunda canlarından keçmiş qəhrəman şəhidlərimizin uyuduqları Şəhidlər xiyabanı bizim müqəddəs and yerimizə çevrilib. Hər il minlərlə insan bu and yerini ziyarət edərək əbədiyaşar şəhidlərimizin xatirəsini yad edir.
Tədbirdə 3 nömrəli Uşaq-Gənclər İnkişaf Mərkəzinin rəhbərliyi və dərnək üzvləri, Səbail rayonu 7 nömrəli tam orta məktəbin müəllimləri, şagirdləri və digər qonaqlar iştirak ediblər.
XQ
