Fransa mətbuatında, guya, AZƏRTAC-ın əməkdaşlarının Yeni Kaledoniyaya Fransada sabitliyi pozmaq üçün göndərildiyi, hətta onların “casus” olmaları barədə dezinformasiya tirajlanır.

Bu barədə Agentlik məlumat yayıb. 

“AZƏRTAC-ın iki jurnalisti redaksiya tapşırığını yerinə yetirmək üçün 2023-cü il dekabrın 3-də Yeni Kaledoniyaya ezam olunmuşdular. Onlardan biri viza bəhanə­si ilə ölkəyə buraxılmayıb, bir sutka polis nəzarətində saxlanıldıqdan sonra ölkə­dən çıxarılıb. Uzun müddətdir ki, jurnalist fəaliyyəti ilə məşğul olan əməkdaşlarımı­za “casus” damğasının vurulması qəbu­ledilməzdir. 

Jurnalistimizə qarşı edilən haqsızlıq­dan və bunun bütün dünyaya yayılma­sından sonra belə bir yazının meydana çıxması onu göstərir ki, bu dezinformasi­yanın arxasında Fransa rəsmi qurumları dayanır. 

AZƏRTAC məqalədə qeyd olunan absurd və cəfəng iddiaları qəti şəkildə rədd edir və bunu təxribat xarakterli feyk informasiya sayır. Fransa mediasının bu cür dezinformasiya yaymasını azad mət­buat göstəricisi yox, məhz beynəlxalq ictimaiyyətdə çaşqınlıq yaratmaq və həqiqətləri gizlətmək cəhdi kimi qətiyyət­lə pisləyirik” – deyə məlumatda bildirilir. 

XQ