Qazaxıstanın mədəniyyət və informasiya naziri Aidə Balayevanın rəhbərlik etdiyi nümayəndə heyəti Bakıda keçirilən Qazaxıstan Mədəniyyəti Günləri ilə bağlı ölkəmizdə səfərdədir. 

Dünən Azərbaycanın mədəniyyət na­ziri Adil Kərimli Qazaxıstanlı həmkarı ilə görüşüb. Nazir bildirib ki, Azərbaycan və Qazaxıstan prezidentləri İlham Əliyev və Kasım-Jomart Tokayev arasında dostluq və qardaşlıq münasibətləri mədəniyyət sahəsinə də müsbət təsirini göstərir. Na­zir mədəniyyət və incəsənətin müxtəlif sahələrində əməkdaşlığın daha da möh­kəmləndirilməsi üçün birgə layihələrin hə­yata keçirilməsinin önəmini vurğulayıb.

Aidə Balayeva bildirib ki, Azərbaycan­la Qazaxıstan arasında ikitərəfli əlaqələ­rin uğurla inkişafında tarixən dostluq və qardaşlıq prinsipləri ilə yaşayan xalqları­mızın, xüsusən də dövlət başçılarımızın etibarlı və davamlı dostluğu mühüm rol oynayır. İntensiv ikitərəfli və çoxtərəfli formatda əməkdaşlığın mədəni sahədə də dinamik inkişafa təsirini görürük.

XQ