Sentyabrın 30-da Azərbaycanın Milli Qəhrəmanı Riad Əhmədovun vida və dəfn mərasimi keçirilib. 

Mərasimdə Dövlət Təhlükəsizliyi Xidmətinin rəis müavini Şərafət Həsə­nov bildirib ki, dövlətimiz Riad Əhmə­dovun axtarışı ilə hər zaman məşğul olub. Lakin heç bir nəticə əldə edilmə­yib. 

Rəis müavini deyib ki, Vətən mü­haribəsindən sonra Şuşa və Daşaltı ətrafında Milli Qəhrəmanın axtarışları davam etdirilib. Axtarışlar nəticəsində şəhidlərimizin nəşi tapılıb.

Riad Əhmədovun döyüş yoldaşı, Daşaltı əməliyyatının iştirakçısı İlyas İsmayılov vurğulayıb ki, Riad əməliy­yat zamanı yaralansa da, bunu büruzə vermirdi, döyüşə yaralı vəziyyətdə da­vam edirdi.

Riad Əhmədovun bacısı Mehriban Əhmədova çıxışı zamanı bildirib: “Qar­daşım Azərbaycanın ilk Milli qəhrə­manlarındandır. Onu çox vətənpərvər biri kimi tanıyıblar. Bizim üçün Riadın yoxluğunu yaşamaq, hiss etmək çox çətindir. Biz bu faciəni 31 il bundan öncə yaşamışıq. Ona həsr olunmuş bu vida mərasimi bir daha sübut etdi ki, Vətənin azadlığı uğrunda canlarını fəda edənlər heç vaxt unudulmur”.

Digər çıxış edənlər Milli Qəhrəman Riad Əhmədov barədə xatirələrini bö­lüşüb, onun vətənpərvərlik, qəhrəman­lıq, igidlik rəmzi olduğunu vurğulayıb­lar.

Sonra Riad Əhmədovun İkinci Fəxri xiyabanda dəfn mərasimi keçirilib. Mə­rasimdə şəhidin ruhuna dualar oxunub, məzarı üzərinə tər güllər düzülüb. Milli Qəhrəmanın xatirəsinə ehtiram əlaməti olaraq 3 dəfə yaylım atəşi açılıb, Döv­lət Himni səsləndirilib.

Qeyd edək ki, Əhmədov Riad Fikrət oğlu 1992-ci ildə Müdafiə Nazirliyi Kəş­fiyyat İdarəsinin rəis müavini vəzifəsin­də çalışıb. O, 1992-ci il yanvarın 26-da rəhbərlik etdiyi kəşfiyyat qrupu ilə Da­şaltı kəndindəki döyüşdə yaralanaraq itkin düşüb. Uzun illər yeri müəyyən olunmayıb. 

XQ