Vyana şəhərində 1975–1984-cü illərdə erməni terrorçuları tərəfindən türk diplomatlarına qarşı törədilmiş terror aktlarına həsr olunmuş “Vyanada terror” adlı kitab işıq üzü görüb.
Vyana Cinayətlər Muzeyinin direktoru Harald Seyrlin qələmə aldığı kitabın təqdimatı həmin muzeydə keçirilib. Müəllif bildirib ki, alman və türk dillərində tərtib edilmiş kitabda Avstriyanın yaxın keçmişində baş vermiş 3 terror aktı foto və sənədlər əsasında detallı şəkildə əks olunub.
Türkiyənin Avstriyadakı səfiri Ozan Ceyhun 1973–1994-cü illərdə müxtəlif erməni terror təşkilatlarının 42 türk diplomatını qətlə yetirdiyini söyləyib. O, 3 şəhid türk diplomatının xatirəsinin unudulmaması üçün ərsəyə gələn kitaba görə Avstriyadakı türk icması adından müəllifə minnətdarlıq edib.
XQ