İyunun 20-si saat 00:20-də Azərbaycan Ordusunun bölmələri tərəfindən guya Ermənistan silahlı qüvvələrinin Qaraiman yaşayış məntəqəsi istiqamətində yerləşən mövqelərinin müxtəlif çaplı atıcı silahlardan atəşə tutulması barədə yayılan məlumat bu ölkənin müdafiə nazirliyinin növbəti yalanıdır, həqiqətə uyğun deyil.

Bu barədə Müdafiə Nazirliyinin mət­buat xidmətindən məlumat verilib.

“Qarşı tərəfin yaydığı bu məlumatı qəti surətdə təkzib edirik”, – məlumatda qeyd edilib.

* * *

İyunun 20-si saat 16:30-dan 17:25-dək Ermənistan silahlı qüvvələrinin böl­mələri Vedi rayonunun Arazdəyən ya­şayış məntəqəsi istiqamətində yerləşən mövqelərindən ordumuzun Naxçıvan Muxtar Respublikasının Sədərək rayo­nunun Heydərabad yaşayış məntəqəsi istiqamətində yerləşən mövqelərini fa­silələrlə atıcı silahlardan atəşə tutub.

Bu barədə qəzetimizə Müdafiə Nazir­liyindən bildirilib.

Bundan başqa, saat 20:10 radələrin­də Rusiya sülhməramlılarının müvəqqə­ti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Azərbaycan Ordusu­nun Şuşa rayonu istiqamətində yerləşən mövqeləri də atəşə tutulub.

Bölmələrimiz tərəfindən qeyd olunan istiqamətlərdə adekvat cavab tədbirləri görülüb.

Qəzənfər QASIMOV, “Xalq qəzeti”