Qazaxıstan Respublikasının Elm və Təhsil Nazirliyinin Elm Komitəsinin Mikroorqanizmlərin Respublika Kolleksiyası dövlət müəssisəsinin əməkdaşı professor Axan Abjalelov və baş elmi katibi Aslan Temirxanov Elm və Təhsil Nazirliyinin Mikrobiologiya İnstitutunda olublar.

Mikrobiologiya İnstitutunun baş direk­toru, AMEA-nın müxbir üzvü Pənah Mu­radov qonaqları müəssisə ilə tanış edib, qurumun əsas fəaliyyət istiqamətləri və beynəlxalq əlaqələri, görülən işlər barədə məlumat verib.

Sonra qazaxıstanlı alimlər laborato­riyalarda aparılan elmi-tədqiqat işləri ilə tanış olublar. Tanışlıq zamanı alimlər öz elmi müəssisələrində görülən işlərlə bağ­lı məlumat verib və sualları cavablandı­rıblar.

Sonda müzakirələrin nəticəsi kimi Mikrobiologiya İnstitutu ilə Qazaxıstan Elm və Təhsil Nazirliyinin Elm Komitə­sinin Mikroorqanizmlərin Respublika Kolleksiyası dövlət müəssisəsi arasında əməkdaşlıq haqqında müqavilə imzala­nıb, sertifikatlar təqdim olunub.

“Xalq qəzeti”