Dünən Azərbaycan Respublikasının xarici işlər naziri Ceyhun Bayramov Azərbaycan Respublikasına səfəri çərçivəsində ATƏT-in fəaliyyətdə olan sədri, Şimali Makedoniya Respublikasının xarici işlər naziri Buyar Osmaninin rəhbərlik etdiyi nümayəndə heyətini qəbul edib.

Nazirlər arasında təkbətək müza­kirələrdən sonra hər iki tərəfin nümayən­də heyətlərinin iştirakı ilə geniş tərkibdə görüş keçirilib. 

Görüşdə ATƏT üzrə ölkəmizin baxış­ları diqqətə çatdırılıb. Sülh və təhlükə­sizliyin bərpası, münaqişələrin qarşısının alınması, əməkdaşlığın təşviqi, davamlı iqtisadi artıma və ekoloji əməkdaşlığa dəstək məsələlərinin Şimali Makedoniya­nın sədrliyi gündəmində əsas yer tutması qeyd olunub. Ölkəmizin Şimali Makedoni­yanın sədrliyinin minalardan təmizləmə, kiber təhlükəsizlik, kommunikasiya xətt­ləri, gender bərabərliyi, iqlim dəyişikliyi və enerji təhlükəsizliyi, korrupsiya ilə mü­barizə daxil olmaqla iştirakçı dövlətlərə dəstək kimi prioritet sahələrin müsbət qiy­mətləndirdiyi bildirilib. 

Sonda keçirilmiş mətbuat brifinqində nazirlər görüşün nəticələrinə dair bəya­natlarla çıxış edib, jurnalistlərin suallarını cavablandırıblar.