Qonşu ölkənin hakim molla rejimi bu ilin ilk 3 ayında edamların sayına görə son 4 ildə yeni rekorda imza atıb. Bu barədə İranın İnsan Hüquqları Təşkilatı məlumat yayıb.
Bildirilir ki, ilin son 65 günündə 138 nəfər barəsində ölüm hökmü həyata keçirilib. 2020, 2021 və 2022-ci illərin müvafiq dövründə 67, 72 və 94 məhkum barəsində ölüm hökmü çıxarılanda bu, dünyada ciddi etirazla qarşılanmışdı.
İranda yeni edam rekordu molla rejiminin ölkədə davam edən kütləvi iğtişaşların qarşısını almaqda, müxalifləri aradan götürməkdə ölüm hökmlərini ən təsirli vasitə saymasının birbaşa nəticəsidir. Bu səbəbdən, təkcə Novruz bayramı həftəsində 29 nəfərin boğazına kəndir keçirilib.
“Xalq qəzeti”
