Danimarkada Qurani-Kərim və Türk bayrağına qarşı nifrət cinayətlərinin törədilməsinə icazə verilməsi ilə bağlı Danimarka səfiri Türkiyə Xarici İşlər Nazirliyinə çağırılıb.
Bu barədə Türkiyə XİN-nin məlumatında bildirib: “Danimarkada martın 24-də müqəddəs Qurani-Kərimə və bayrağımıza qarşı törədilən nifrət cinayətinin yenidən baş tutmasına icazə verilməsini şiddətlə qınayırıq. Bu səhvin davamlı olduğunu da qeyd edirik. Aydındır ki, bu cür hərəkətlərin qarşısının alınması üçün hüquqi və inzibati tədbirlərin qeyri-kafi olması, siyasi iradənin olmaması, həmçinin günahkarların cəzasız qalması yeni təxribatlara təkan verir”.
