Kənd təsərrüfatının heyvandarlıq sahəsi aqrar sığorta ilə getdikcə daha çox əhatə olunur. Bu ilin ötən dövründə heyvandarlıqla bağlı 800 min manatadək sığorta ödənişinin həyata keçirilməsi də bunu deməyə əsas verir.
Aqrar Sığorta Fondu sədrinin müavini Firdovsi Ağaşirinovun bildirdiyinə görə, 2023-cü ilin əvvəlindən heyvandarlıqla bağlı təqribən 2 milyon 500 min manata yaxın sığorta haqqı toplanılıb. Ölkəmizdə aqrar sığorta sisteminin özünü tam doğrulduğunu vurğulayan sədr müavininin fikrincə, hazırda fermerlər bu sahədə nəzərdə tutulmuş xidmətlərdən lazımınca istifadə edə bilirlər.
“Fermerlər bu sahəyə etimad edir və öz risklərini təminat altına alırlar. 2021-ci ildə 4 min fermer bu xidmətdən istifadə edirdisə, artıq onların sayı 10 mindən çoxdur”,–deyə F.Ağaşirinov əlavə edib.
XQ
