Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin məlumatına görə, bu ilin noyabr ayından etibarən respublikamızda daha 40 kənd və yaşayış massivinin qazlaşdırılmasına başlanılacağı planlaşdırılıb.
Cari il ərzində isə ölkədə 150 kənd və yaşayış massivinin qazlaşdırılması nəzərdə tutulub ki, artıq onlardan 110-da işlər yekunlaşmaq üzrədir. Bu yaşayış məntəqələrinin qazlaşdırılmasının növbəti ilin birinci rübündə yekunlaşması nəzərdə tutulub.
Qeyd edək ki, artıq ölkə üzrə qazlaşdırma səviyyəsi 96,4 faiz təşkil edir. Hazırda ölkədə 900-ə yaxın qazlaşmayan kənd və yaşayış massivi mövcuddur. Bunlardan da 250-yə yaxını qazlaşdırılması texniki və iqtisadi cəhətdən səmərəsiz kimi qiymətləndirilir. Ancaq digər kənd və yaşayış massivlərinin “Azəriqaz”ın daxili maliyyə resursları hesabına mərhələli şəkildə həyata keçiriləcəyi nəzərdə tutulur.
XQ