Bu ilin yanvar–aprel aylarında İqtisadiyyat Nazirliyi Əmlak Məsələləri Dövlət Xidməti dövlət büdcəsinə 51,1 milyon manat köçürüb.

Əmlak Məsələləri Dövlət Xidmətinin məlumatına görə, 4 aylıq ödənişin 40,8 milyon manatı özəlləşdirmə, 10,8 milyon manatı isə icarə hesabına təmin edilib. Bu da 2022-ci ilin eyni dövrü ilə müqayisədə müvafiq olaraq 2,7 dəfə və 25,2 faiz çox­dur.

Hesabat dövründə 16 hərrac keçiri­lib. Hərraclarda 2 səhmdar cəmiyyətinin səhm paketi, 8 kiçik dövlət müəssisəsi, 1 yarımçıq tikili sahəsi və 198 nəqliyyat va­sitəsi özəlləşdirilib. Ötən müddətdə hər­raca çıxarılmış dövlət əmlakları üzrə 130 elektron sifariş qəbul edilib, hərraclarda iştirak etmək məqsədilə “Elektron hərrac” proqram təminatı vasitəsilə 26 onlayn qoşulma reallaşıb. İlin ilk 4 ayı ərzində hərrac vasitəsilə 13 faydalı qazıntı yatağı sahibkarların istifadəsinə verilib.

Cari ilin yanvar–aprel aylarında bağ­lanmış 1045 yeni icarə müqaviləsinin 223-ü qeyri-yaşayış sahələrinə, 822-si isə torpaq sahələrinə aid olub.