"Apple" şirkəti özünün Vision Pro genişlənmiş virtual qulaqlıqlarının bütün ehtiyatlarını satıb. İnsayder Ming-Chi Ko bu barədə "Medium"dakı bloqunda bildirib.

Mütəxəssisin sözlərinə görə, qurğular üçün ilkin sifarişlərin açılmasından sonrakı üç gün ərzində “Apple” 160 mindən 180 minə qədər müraciət toplaya bilib. Minimum versiyada AR eynəkləri 3,5 min dollar dəyərində qiymətləndirilib. Təxmini hesablamalara görə, İT nəhəngi cümə və bazar ertəsi arasında 630 milyon dollar qazana bilər.

Ming-Chi Ko vurğulayıb ki, satışların açılmasından bir neçə saat sonra cihazın mövcudluğu haqqında məlumat dəyişib. Cümə günü günortadan sonra "Apple" Vision Pro-nu bir neçə gün ərzində təhvil verəcəyini vəd etmişdisə, axşam saatlarında çatdırılma müddəti beş-yeddi həftəyə qədər artırılıb. İnsayder, həmçinin qeyd edib ki, korporasiya AR cihazlarının ilk partiyasını satıb.

Bundan əlavə, mütəxəssis bildirib ki, “Apple” üçün Vision Pro qulaqlıqlarını hazırlayan podratçı "Luxshare" şirkəti, görünür, hətta fevralın 10-da qeyd olunacaq Çin Yeni ili zamanı da fasiləsiz işləyəcək. Sonda Ming-Chi Ko bildirib ki, bu sürətlə "Apple" yaxın aylarda 500 min qulaqlıq sata bilər.

Daha əvvəl MacRumors-un mütəxəssisləri bildirmişdilər ki, "Apple"in əlavə virtual qulaqlıqları ABŞ-dan kənarda tam istifadə edilə bilməz. Bu, AR eynəklərinin bir çox funksiyalarının regional bloklanması ilə əlaqədardır.

S.ELAY

XQ