Yunanıstanın Rodos adasında qadın şahmatçılar arasında Avropa çempionatı start götürüb.
Qitə birinciliyində qadın şahmatçılarımız Ülviyyə Fətəliyeva, Gövhər Beydullayeva, Gülnar Məmmədova, Ayan Allahverdiyeva, Türkan Məmmədyarova, Səbinə İbrahimova, Nərmin Abdinova və Lalə Hüseynova mübarizə aparırlar. İsveçrə sistemi üzrə keçirilən və 11 turdan ibarət olan yarış aprelin 11-də başa çatacaq. 137 şahmatçının qatıldığı turnirin reytinq favoriti Nino Batsiaşvilidir (Gürcüstan).
Qeyd edək ki, Avropa çempionatında ilk 10 yeri tutacaq şahmatçılar Dünya Kubokuna vəsiqə qazanacaqlar.
L.QURBANOVA
XQ
