“Olimpiya çempionluğuna doğru: təmiz idmanda milli və qlobal baxışlar” adlı beynəlxalq elmi-praktik konfransının təşkilində əsas məqsəd sağlam idmanı təbliğ etməkdir. 

“XQ” xəbər verir ki, bu sözləri Milli Antidopinq Agentliyinin icraçı direktoru Təhminə Tağı-zadə Bakıda keçirilən “Olimpiya çempionluğuna doğru: təmiz idmanda milli və qlobal baxışlar” adlı beynəlxalq elmi-praktik konfransının açılış mərasimindən sonra jurnalistlərə bildirib. 
O qeyd edib ki, beynəlxalq elmi-praktik konfransda Avstriya, Almaniya, İngiltərə və digər ölkələrdən nümayəndələr iştirak edirlər:
–2024-cü il Olimpiya ili olduğundan mühüm əhəmiyyət kəsb edir. 

Azərbaycanda bu cür tədbir ilk dəfə təşkil olunur. Konfransa onlayn qoşulanlar da var. Tədbirin davamı fevralın 23-də Qubada keçiriləcək. 

Xatırladaq ki, konfrans Gənclər və İdman Nazirliyinin dəstəyi, AMADA və Azərbaycan Dövlət Bədən Tərbiyəsi və İdman Akademiyasının birgə təşkilatçılığı ilə keçirilir.

L.QURBANOVA

XQ