“Sabah”, “Turan Tovuz”, “Qəbələ” və “Neftçi” klubları AFFA tərəfindən cərimələnib.
Belə ki, “Sabah”ın futbolçusu Emmanuel Apeh XII turda “Zirə”yə 0:1 hesabı ilə uduzduqları matçda ikinci sarı vərəqəni alaraq meydandan qovulduğu üçün bir oyunluq cəza alıb. Bununla yanaşı, hücumçuya görə klub 500 manat ödəməli olacaq.
“Turan Tovuz” isə “Səbail”ə 1:2 hesabı ilə uduzduqları qarşılaşmada beş oyunçusu sarı vərəqə aldığı üçün 700 manat cərimələnib. Həmin görüşdə bölgə təmsilçisinin fanatları baş hakimi təhqir etdiklərinə görə, kluba 500 manat cərimə kəsilib.
“Neftçi” və “Qəbələ” isə 700 manat ziyana düşüblər. Qəbələdə keçirilən matçda hər iki komandanın 4 futbolçusu sarı vərəqə ilə cəzalandırılıb.
Leyla SABİRQIZI
XQ