İtaliyanın Turin şəhərində təşkil olunan ənənəvi “Silver Skiff” beynəlxalq reqatasında akademik avarçəkmə üzrə Azərbaycan idmançısı Diana Dımçenko medal qazanıb.
Avarçəkənlərin 11 kilometr məsafə qət etdikləri 1 mərhələdən ibarət olan reqatada bir nəfərlik akademik avarçəkmə qayığında çıxış edən Diana Dımçenko məsafəni 44 dəqiqə 54 saniyəyə başa vurmaqla finiş xəttinə ikinci çatıb. Bununla da idmançımız gümüş medala sahib olub.
Qeyd edək ki, 32-ci dəfə təşkil olunan yarışda 30-a yaxın ölkədən müxtəlif yaş kateqoriyaları üzrə 700-dən artıq idmançı iştirak edib.
Leyla SABİRQIZI
XQ
