Azərbaycan üzgüçüləri Çexiyada Olimpiya Oyunlarına lisenziya xarakterli turnirdə uğurla iştirak ediblər. Avropanın su idman növləri inkişaf etmiş 16 ölkəsindən idmançıların qatıldıqları yarışı millimiz 10 medalla başa vurub.
Belə ki, yığmamızın üzvlərindən Oqtay Hüseynov 2 qızıl, 2 bürünc, Əbdürrəhman Rüstəmov 1 qızıl, 2 gümüş, Ramil Vəlizadə 1 gümüş, Məryəm Şeyxəlizadəhangah 1 gümüş, Rəşad Alquliyev 1 gümüş medal qazanıblar.
