“Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikasının 2024-cü il 28 iyun tarixli 1191-VIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi barədə
Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikasının 2024-cü il 28 iyun tarixli 1191-VIQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədilə qərara alıram:
1. Müəyyən edilsin ki:
1.1. Azərbaycan Respublikası İnzibati Xətalar Məcəlləsinin 127-1.1-ci maddəsinin ikinci cümləsində (hər iki halda), 127-1.2-ci, 127-1.3-cü, 127-1.5-ci (hər iki halda) və 127-1.8-ci maddələrində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;
1.2. həmin Məcəllənin 127-1.2-ci, 127-1.5-ci (birinci halda) və 127-1.8-ci maddələrində “orqan (qurum)” dedikdə Azərbaycan Respublikasının Daxili İşlər Nazirliyi və Azərbaycan Avtomobil Yolları Dövlət Agentliyi nəzərdə tutulur;
1.3. həmin Məcəllənin 127-1.3-cü maddəsində “orqan (qurum)” dedikdə Azərbaycan Respublikasının Daxili İşlər Nazirliyi nəzərdə tutulur;
1.4. həmin Məcəllənin 127-1.1-ci maddəsinin ikinci cümləsində və 127-1.5-ci maddəsində “orqanın (qurumun) mərkəzi informasiya sistemi” dedikdə Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sistemi nəzərdə tutulur;
1.5. həmin Məcəllənin 127-1.1-ci maddəsinin ikinci cümləsində “orqanın (qurumun) informasiya sistemi” dedikdə Azərbaycan Respublikası Rəqəmsal İnkişaf və Nəqliyyat Nazirliyinin “AYNA” informasiya sistemi nəzərdə tutulur.
2. Azərbaycan Respublikasının Nazirlər Kabineti “Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikasının 2024-cü il 28 iyun tarixli 1191-VIQD nömrəli Qanunundan irəli gələn məsələləri həll etsin.
3. “Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 15 fevral tarixli 795 nömrəli Fərmanında (Azərbaycan Respublikasının Qanunvericilik Toplusu, 2016, № 2 (II kitab), maddə 259 (Cild I); 2024, № 2, maddələr 151, 157) aşağıdakı dəyişikliklər edilsin:
3.1. 4-cü hissə üzrə:
3.1.1. 4.1-ci bənddə “127-1.2-ci (ikinci halda), 127-1.4-cü (ikinci halda), 127-1.6-cı (ikinci halda) və 127-1.8-ci (ikinci halda) maddəsində” sözləri “127-1.1-ci maddəsinin ikinci cümləsində (hər iki halda), 127-1.2-ci, 127-1.3-cü, 127-1.5-ci (hər iki halda) və 127-1.8-ci maddələrində” sözləri ilə əvəz edilsin;
3.1.2. 4.9-cu bənddən “127-1.2 (birinci halda), 127-1.3, 127-1.4 (birinci halda), 127-1.6 (birinci halda), 127-1.8-ci (birinci halda) maddələrində,” sözləri çıxarılsın;
3.1.3. 4.15-1-ci bənd aşağıdakı redaksiyada verilsin:
“4.15-1. həmin Məcəllənin 127-1.1-ci maddəsinin ikinci cümləsində “orqanın (qurumun) informasiya sistemi” dedikdə Azərbaycan Respublikası Rəqəmsal İnkişaf və Nəqliyyat Nazirliyinin “AYNA” informasiya sistemi nəzərdə tutulur;”;
3.1.4. 4.15-2-ci bənd 4.15-4-cü bənd hesab olunsun və aşağıdakı məzmunda 4.15-2-ci və 4.15-3-cü bəndlər əlavə edilsin:
“4.15-2. həmin Məcəllənin 127-1.1-ci maddəsinin ikinci cümləsində və 127-1.5-ci maddəsində “orqanın (qurumun) mərkəzi informasiya sistemi” dedikdə Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sistemi nəzərdə tutulur;
4.15-3. həmin Məcəllənin 127-1.2-ci, 127-1.5-ci (birinci halda) və 127-1.8-ci maddələrində “orqan (qurum)” dedikdə Azərbaycan Respublikasının Daxili İşlər Nazirliyi və Azərbaycan Avtomobil Yolları Dövlət Agentliyi nəzərdə tutulur;”;
3.1.5. 4.53-cü bəndə “cümləsində” sözündən sonra “və 127-1.3-cü maddəsində” sözləri əlavə edilsin;
3.2. 5.1-ci bənddə “353.1–353.4, 353.6” rəqəmləri “353” rəqəmləri ilə əvəz edilsin.
4. Azərbaycan Respublikası Prezidentinin 2017-ci il 23 fevral tarixli 1256 nömrəli Fərmanı (Azərbaycan Respublikasının Qanunvericilik Toplusu, 2017, № 2, maddə 200 (Cild I); 2024, № 2, maddə 157; Azərbaycan Respublikası Prezidentinin 2024-cü il 4 iyun tarixli 83 nömrəli Fərmanı) ilə təsdiq edilmiş “İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı”nın 2-ci hissəsində aşağıdakı dəyişikliklər edilsin:
4.1. 2.1-ci və 2.2-ci bəndlərdə “353.1–353.4, 353.6” rəqəmləri “353” rəqəmləri ilə əvəz edilsin;
4.2. 2.3-cü bənddə “353.2” rəqəmləri “353.1, 353.2, 353.4, 353.5” rəqəmləri ilə əvəz edilsin.
5. Azərbaycan Respublikası Prezidentinin 2017-ci il 3 may tarixli 1361 nömrəli Fərmanı (Azərbaycan Respublikasının Qanunvericilik Toplusu, 2017, № 5, maddə 765 (Cild I); 2024, № 4, maddə 381; Azərbaycan Respublikası Prezidentinin 2024-cü il 4 iyun tarixli 83 nömrəli Fərmanı) ilə təsdiq edilmiş “Rayon (şəhər) məhkəmələrinin baxdığı inzibati xətalar haqqında işlər üzrə protokol tərtib etmək səlahiyyəti olan vəzifəli şəxslərin Siyahısı”nın 25-ci hissəsindən “353.5,” rəqəmləri çıxarılsın.
6. Azərbaycan Respublikası Prezidentinin 2022-ci il 22 sentyabr tarixli 1845 nömrəli Fərmanı (Azərbaycan Respublikasının Qanunvericilik Toplusu, 2022, № 9, maddə 1034 (Cild I); 2024, № 2, maddələr 147, 158; Azərbaycan Respublikası Prezidentinin 2024-cü il 6 iyun tarixli 88 nömrəli Fərmanı) ilə təsdiq edilmiş “Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sistemi haqqında Əsasnamə”də aşağıdakı dəyişikliklər edilsin:
6.1. 6.1.12-ci yarımbənddə “, 127-1.4-cü və 127-1.6-cı” sözləri “və 127-1.5-ci” sözləri ilə əvəz edilsin;
6.2. 7-ci hissə üzrə:
6.2.1. 7.4.9-cu yarımbənddə “xətalar üzrə icraatın aparılması qaydasını tənzimləyən 127-1.4-cü və 127-1.6-cı maddələrində” sözləri “xətalarla bağlı 127-1.5-ci maddəsində” sözləri ilə əvəz edilsin;
6.2.2. 7.4.16-cı yarımbəndə “üzrə” sözündən sonra “, habelə həmin Siyahının 36-cı maddəsində nəzərdə tutulmuş icazə barədə” sözləri əlavə edilsin.
İlham Əliyev
Azərbaycan Respublikasının Prezidenti
Bakı şəhəri, 24 iyul 2024-cü il
