Səudiyyə Ərəbistanının futuristik eko-şəhəri sayılan Neomda şəffaf hotelin tikilməsi planlaşdırılır. Bu barədə “Dezeen” jurnalında məlumat dərc olunub.
Bildirilir ki, bu bölgədə 3 premium otel inşa ediləcək. Yaxın illərdə təhvil veriləcək mehmanxanaların hər biri 40 nömrədən ibarət olacaq, onlar vadinin üstündəki 400 metrlik qayalar boyunca yerləşəcək.
Birinci otel “Adventure” (Macəra) adlanır. Binanı memar Kris van Deyn dizayn edib. Qayaların üstündə terrasları və hovuzları olacaq otel bir neçə otaqdan ibarətdir.
İtalyan memarı Mario Kuçinellanın dizayn etdiyi ikinci otelin adı isə “Oasis”dir (Vahə). Möhtəşəm bina xarici görünüşünə görə qayaları xatırladır. Burada müşahidə meydançası və bağların salınması nəzərdə tutulub. Damda isə hovuzun yerləşdirilməsi planlaşdırılır.
Layihədə nəzərdə tutulan üçüncü otel isə “The Wellness Hotel”dir ki, (Sağlamlıq hoteli) bu da güzgülərdən hazırlanmış fasad sayəsində şəffaf olacaq.
FİDAN
XQ
.jpg)
