İsveçin Çalmers Texniki Universitetinin tədqiqatçıları oksalat turşusundan istifadə edərək elektrik avtomobilinin akkumulyatorunu təkrar emal etmək üçün yeni üsul işləyib hazırlayıblar.
Batareyalara təbii oksalat turşusu tökülür və sonra 60 dərəcəyə qədər qızdırılır. Nəticədə, alüminium və litium tozdan yuyulur, bu da elektromobillərin köhnə batareyalarındakı bütün materialı bərpa etməyə imkan verir.
Qeyd edək ki, son illər elektrik avtomobillərinin sayı sürətlə artır və bu tendensiyanın yanacaqla işləyən avtomobillərdən tədricən imtina edilməsi ilə davam edəcəyi proqnozlaşdırılır.
Elektrik avtomobilləri istismar zamanı əhəmiyyətli dərəcədə az emissiya istehsal edir, lakin batareyaların istehsalı bir sıra tələb olunan metallara çıxış tələb edir.
N.AYTƏN
XQ
