Çində yerdən 120 metr hündürlükdə, sıldırım qayanın yamacında yerləşən mağaza dünyanın ən əlverişsiz və riskli mağazası hesab olunur.
Kiçik taxta mağaza daha çox daxmaya bənzəyir. Çinin Hunan əyalətindəki Sinyujay Milli Geoloji Parkında yerləşir və alpinistlər üçün nəzərdə tutulub.
“Nation Geographic” nəşrinin məlumatına görə, alpinistlər oradan qəlyanaltılar, içki, qidalar və digər vacib şeyləri alırlar. Bəziləri belə bir obyektin faydalı olduğunu qeyd edərkən, digərləri mağaza işçilərinin hər birinin işə necə getməsi ilə maraqlanırlar. Onlar hesab edirlər ki, bu mağaza, həm də çox risklidir.
L.QURBANOVA
XQ
