Özbəkistandakı Heydər Əliyev adına Azərbaycan Mədəniyyət Mərkəzində (AMM) Novruz bayramı münasibətilə tədbir keçirilib.

Tədbirdə Azərbaycanın Özbəkis­tandakı səfirliyinin, Azərbaycan Mədə­niyyət Mərkəzinin əməkdaşları, Özbə­kistanın elm, mədəniyyət, incəsənət xadimləri, Daşkənddəki ali məktəblərin müəllim və tələbələri, diasporumuzun üzvləri, jurnalistlər iştirak ediblər.

Mədəniyyət Mərkəzinin foyesində təşkil olunan “Bahar nəfəsli Novruz” adlı sərgidə Novruz bayramı, Azərbaycanın əsrarəngiz təbiətini əks etdirən foto­lar, habelə ulu öndər Heydər Əliyevin həyat və fəaliyyəti, Azərbaycan Prezi­denti İlham Əliyevin apardığı iqtisadi islahatlar haqqında nəşrlər və suvenir­lər nümayiş etdirilib. İştirakçılar Novru­za bayramı xonçalarına, şirniyyatlara, şəkərbura və paxlavaya qonaq ediliblər.

Tədbir iştirakçılarını bayram mü­nasibətilə təbrik edən Azərbaycanın Özbəkistandakı səfiri Hüseyn Quliyev Novruzun Azərbaycanda, Özbəkistan­da, eləcə də Türk dünyası ölkələrində qeyd olunması haqda məlumat verib, dilimiz, dinimiz, soykökümüz, mədəniy­yətimiz, adət-ənənələrimiz kimi dəyərlə­rimizin eyniliyindən söhbət açıb. 

“Özbəkistan–Azərbaycan” Dostluq Cəmiyyətinin icraçı direktoru, professor Erkin Nuriddinov, qardaş xalqların ortaq bayramı olan Novruz münasibətilə işti­rakçılrı təbrik edib, xalqlarımızın yaxın tarixə və mədəni köklərə sahib olduğu­nu vurğulayıb. 

Sonra Azərbaycanda Novruz bayra­mının qeyd olunmasını əks etdirən film nümayiş etdirilib. 

Tədbirin bədii hissəsində AMM-nin nəzdindəki Kövkəb Aliyeva adına “Azər­baycan qızları” rəqs ansamblının üzvlə­ri milli rəqslərimizi, azərbaycanlı ifaçılar Vahid Əliyev və Fatimə İsgəndərova, beynəlxalq mükafatlar laureatı Sarvinoz Kamalova Azərbaycan və özbək mahnı­larını ifa ediblər. 

Qulu KƏNGƏRLİ 

Daşkənd