Florida Universitetinin bir qrup tədqiqatçısı canlılara məxsus xüsusiyyətləri və onların DNT məlumatlarını öyrənmək üçün yeni tədqiqat üsulları aşkar ediblər.
Bu barədə “Nature Ecology & Evolution” elmi jurnalında məlumat dərc olunub. Qeyd olunur ki, adıçəkilən tədqiqat üsulu nəsli kəsilməkdə olan dəniz tısbağalarını öyrənir və onların DNT nümunələrini toplayır.
Tədqiqat zamanı, həmçinin insanların da genetik məlumatları götürülür, heyvanların DNT məlumatları ilə uyğunlaşdırılır. Bu məqsədlə də altı nəfərin işlədiyi 280 kvadratmetrlik (3,013 kvadrat fut) heyvan klinikasında insanlardan və heyvanlardan genetik xüsusiyyətlər götürülərək laboratoriyalara təhvil verilib.
Yeni tədqiqat üsulu gələcəkdə itkin düşən şəxslərin tapılması, cinayətlərin açılması üçün məhkəmə-tibbi araşdırmaların aparılması, mühüm arxeoloji ərazilərin müəyyən edilməsi və çirkab sularda aşkar edilən DNT izləri vasitəsilə ətraf mühiti xəstəliklərdən qorumaq üçün vacib əhəmiyyətə malik olacaq.
Fidan SALMANOVA, “Xalq qəzeti”