Ağaclar da insanlar kimidir: yaranır, yaşayır, qocalır və ölür. Bəzilərinin hətta müəyyən zamandan sonra nəsli kəsilir. Amma ən qədim tarixlərin şahidi olan ağaclardan bəziləri bu günə qədər yaşayır. 

Sarv-e Abarkuh ağacı Aralıq dənizi sərvi kimi məş­hurdur və təxminən, 1500 il yaşı olduğu güman edilir. Əf­sanəyə görə, bu ağacı Zərdüşt peyğəmbər şəxsən özü əkib. Ağacla bağlı azərbaycanlı alim Zaur Əliyev də xeyli araş­dırma aparıb. 

O qeyd edir ki, Zərdüştün Aralıq dənizi yaxınlığında Sarv-e Abarkuh adlı ağac əkdiyi barədə bir çox tarix­çilər yazıblar. Onun sözlərinə görə, Zərdüştün paytaxtımız­da, Suraxanı rayonu ərazi­sində qədim ibadətgahlardan olan Atəşgahda 4 sərv ağacı əkdiyi barədə də qaynaqlar­da yazılıb. Ərəblər Azərbay­canı işğal edəndə bu ağacları çıxarıb Bağdada aparıblar. 

Zərdüşt peyğəmbər ağac əkilməsinə böyük önəm ve­rirdi. Onun dini-fəlsəfi baxış­larında ağac və çiçəklər uğur, xoşbəxtlik və səadət hesab edilirdi. 

Ə.PAŞA
XQ