Kanadanın şimalında hələ də alovlanan kütləvi meşə yanğınlarının tüstüsü bu yay Şimali Amerikanın çox hissəsini bürüyərək yaşlıların və xroniki tənəffüs xəstəliklərindən əziyyət çəkənlərin sağlamlığı üçün narahatlıq yaradıb.
Bununla belə, Nyu-Meksiko Universitetinin tədqiqat qrupunun “Neyroinflamasiya” jurnalında dərc edilən yeni işi bu narahatlığı daha da artırıb. Alimlərin qənaətinə görə, meşə yanğınlarının tüstüsü beyində bir ay və ya daha çox davam edən iltihaba səbəb ola bilər.
Tədqiqatçılar qrupu kiçik tüstü hissəciklərinin ağciyərlərdən qan dövranına daxil olduqda və qan-beyin baryerini, beyindəki qan damarlarını əhatə edən sıx yığılmış hüceyrələrin təbəqəsini keçdikdə həm pro, həm də antiinflamatuar reaksiyaları müəyyən ediblər.
“Neyroiltihab, demans, alzheimer xəstəliyi - lövhə yığılması, həmçinin həyatın erkən dövründə neyroinkişafdakı dəyişikliklər və həyat boyu affektiv pozğunluqlar da daxil olmaqla, bütün növ təhlükəli beyin xəstəlikləridir. Əgər siz yanğınsöndürənsinizsə və ya sadəcə olaraq, tüstünün güclü təsirinə məruz qalmış icmanın sakinisinizsə, bu hadisədən həftələr, aylar sonra belə neyrokoqnitiv pozğunluqlar və ya əhval pozğunluqları ilə qarşılaşa bilərsiniz”, – deyə alimlər qeyd ediblər.
Leyla AZAD,
XQ