Az yeyib, pəhriz saxlayıb, amma 1–2 kiloqramdan artıq arıqlamayan insanların sayı günbəgün artır. Dietoloqlar bunun səbəbini belə izah edirlər:
Fiziki fəaliyyət azdır: Orqanizm müəyyən qədər fiziki fəaliyyətə alışır. Əgər bu, azalıbsa, o zaman az yeyərək də çəki artırmaq olar .
Bədənin fiziki yükü artıb: Adətən əzələ yağdan daha ağır olur. Çoxları məşq etməyə başlayanda, öncə çəki alır və yağlar əzələ kütləsinə çevrilir.
Stres: Bu zaman iştahı artıran kortizol hormonu ifraz olunur. Stresli anlarda bədən fizioloji olaraq daha sürətli yağ toplayır, bu da çəki atmağı ləngidir.
Yanlış içkilər: İçkilərdəki kaloriləri çox vaxt unuduruq. Şəkərli, qazlı içkilər və şirələr bizi yeməkdən də çox kökəldir.
Qida çatışmazlığı. Qəribədir ki, insan çox az yedikdə də çəkisi arta bilər. Çünki bədən enerjiyə qənaət rejiminə keçir və az kalori yandırır, yəni ac qalacağını düşünüb piy kütləsi yığır.
Z.HÜSEYNLİ, “Xalq qəzeti”