Suriyadan ölkəmizə repatriasiya edilmiş daha 11 Azərbaycan vətəndaşının sosial-psixoloji reabilitasiyasına başlanıb. Üçü qadın, 8 nəfəri uşaq olmaqla, onların reabilitasiyası ilə Sosial Xidmətlər Agentliyi məşğul olur.
Agentliyin sosial işçi və psixoloqları repatriantlarla fərdi plan əsasında iş aparırlar. Repatriantların psixoloji vəziyyətlərinin qənaətbəxş olmadığı nəzərə alınaraq, onların sosial reabilitasiyası və cəmiyyətə reinteqrasiyası istiqamətində müvafiq tədbirlər görüləcək.
Qeyd edək ki, İraq və Suriyadan repatriasiya olunmuş 400-dən çox şəxs SXA tərəfindən sosial reabilitasiya və reinteqrasiya xidmətləri ilə təmin edilib.
Zərifə BƏŞİRQIZI, “Xalq qəzeti”
