Azərbaycan Respublikasının İsrail dövlətindəki səfiri Muxtar Məmmədov İsrailin Akko şəhərindəki “Azərbaycan evi”ndə bu ölkədə yaşayan diaspor üzvləri ilə görüşüb.
Səfir əvvəlcə qədim “Atika” qalasında Akko şəhərinin meri Şimon Lankri ilə görüşüb, ölkələrimiz arasında dostluq və sıx əməkdaşlıq ələqələrini inkişaf etydirmək yolları barədə söhbət edib. Görüşdə meriya nümayəndələri ilə birgə mərhum həmyerlimiz Arye Qutun oglu Aviel Qut və bacısı da iştirak ediblər.
“Azərbaycan evi”ndə Azərbaycan diasporunun üzvləri ilə keçirilən görüşdə Yerusəlimdən yazıçı Sara Raxmani, Rişon le Sion şəhərindən yazıçı Frida Yusufova, yazıçı Miryam Xeyli, Akko şəhərindən yazıçı və tərçüməci Şoşana Abramova və başga tanınmış ziyalılar da iştirak edibər. Or Akiva şəhərindən Ümumi İsrail Dağ Yəhudilərinin sədri Pavel Elizarov, Dağ Yahudilərinin baş ravvini Yaniv Naftali, İsraildə Qafqaz Yəhudilərinin Mədəniyyət Mərkəzinin direktoru Ben Sion Şmaelov, eləcə də Təl Əviv, Natanya, Kiryat Yam, Kiryat Bialik şəhərlərindən diaspor nümayəndələrinin qatıldığı görüşdə Azərbaycan xalqının və Prezidet İlham Əliyevin ünvanına dua səsləndi, ölkələrimiz arasında münasibətlərin daha da inkişaf etdirilməsi arzulanıb.
Çıxış edənlər qeyd ediblər ki, Azərbaycan və İsrail arasındakı dostluq və qardaşlıq münasibətlərininin, ictimai‚ siyasi‚ iqtisadi‚ hərbi və mədəni sahələri əhatə edən əlaqələrin daha da möhkəmləndirilməsi üçün ölkəmi təmsil edən diaspor fəalları ilə İsrail ziyalıarı və din xadimləri əlbir səyləri bundan sonra da davam etdirəcələr.
“Xalq qəzeti”