Ukraynada vəziyyət kifayət qədər gərgindir. Bir tərəfdən, ölkə açıq döyüşlər aparır, digər yandan, son günlərdə hücum üçün bütün hazırlıqları başa çatdıraraq, hər dəqiqə hərəkətə keçə biləcəyini bəyan edir. Bu barədə şəxsən Prezident Volodimir Zelenski bildirib. O deyib ki, tezliklə böyük döyüşlər olacaq, ölkə torpağını və xalqını rus əsarətindən azad etməlidir. Məlumatı UNİAN verib.

Zelenski Baxmut, Avdeyev­ka, Marinka və Donbasın digər şəhər və kəndlərini ən şiddətli döyüşlərdə müdafiə etdiyinə görə hərbçilərə təşəkkür edərək bildirb: “Tezliklə əsas döyüş ola­caq. Biz öz torpağımızı, xalqımı­zı rus əsarətindən azad etməli­yik. Dövlət sərhədimizin bütün xəttini - həm quruda, həm də də­nizdə bərpa etməliyik. Əminəm ki, sərhəd qoşunlarımızın qəhrə­manlığı, etibarlılığı, möhkəmliliyi bu mühüm tarixi yolda Ukrayna­ya güclü kömək edəcək”.

Sözügedən istiqamətlərdə rus ordusunun müəyyən uğur­lar əldə etməsinə baxmayaraq, sonradan Ukrayna hərbçilərinin onları geri oturtduğunu müdafiə nazirinin müavini Anna Malyar da təsdiq edib.

Ukrayna hərbçiləri dünən bir sıra cəbhələrdə, o cümlədən, Liman istiqamətində düşmənin bütün hücumlarını dəf edib. Bəzi məlumatlara görə, 10 rus döyüşçü girov götürülüb.

Ukrayna Silahlı Qüvvələri Quru Qoşunlarının komandanı general-polkovnik Aleksandr Sırski isə bildirib ki, ordu Bax­mutda da əks-hücuma keçərək rəqibi bəzi mövqeləri tərk et­məyə məcbur edib: “İrəli get­mək üçün düşmən maksimum səy göstərir. Əhəmiyyətli it­kilərə baxmayaraq, “Vaqner”in yeni hücum qrupları, digər özəl şirkətlərin döyüşçüləri daim dö­yüşə atılır, lakin Baxmutu ala bilmirlər. Buna baxmayaraq, vəziyyət kifayət qədər mürək­kəbdir”.

Rusiya Müdafiə Nazirliyi də bəzi uğurları haqqında məlumat yayıb. Bildirilib ki, Kramator­sk rayonunda Ukrayna ordusu üçün sursat daşıyan qatar vu­rulub, nəticədə 200 ton sursat məhv edilib. Bəzi başqa is­tiqamətlərdə də Ukrayna ordu­suna zərbələr vurulduğu qeyd edilir.

Ukrayna ordusunun baş komandanı Valeri Zalujnı da Rusiya hərbçilərinin ölkə əra­zisini raket atəşinə tutduğu­nu qeyd edib. Onun sözlərinə görə, mayın 1-nə keçən gecə ərzində Ukraynaya 18 qanadlı raket atılıb. Ukraynanın hava hücumundan müdafiə qüvvələ­ri onlardan 15-ni məhv edib: “Rusiya qüvvələri Oleneqorsk vilayətindən (Murmansk) 9 Tu-95 və Xəzər dənizi regionundan 2 Tu-160 strateji bombardman­çı təyyarələri ilə Ukraynaya hücum ediblər”. O, Ukraynaya X-101/X-555 qanadlı raketləri­nin atıldığını da bildirib.

Ukrayna Silahlı Qüvvələri Cənub Müdafiə Qüvvələrinin mətbuat mərkəzinin nümayən­dəsi Natalya Qumenyuk isə ölkə ordusunun Krıma hücu­mu haqqında danışıb. Onun dediyinə görə, aprelin 29-da Krımdakı neft bazasına hücum Silahlı Qüvvələrin əks-hücuma hazırlğının bir hissəsi olub: “Bu, hamının gözlədiyi geniş tam­miqyaslı hücuma hazırlığın bir nümunəsidir”.

Amma tərəfləri müharibəni dayandırmağa və danışıqlar masası arxasına oturmağa ça­ğıranlar da var. Şübhə yoxdur ki, dünyada qarşıdakı hərbi gər­ginliklə bağlı narahatlıqlar da çoxdur. Dünən Roma papası Fransisk də müharibənin şid­dətlənəcəyindən narahatlığını ifadə edib. O, Ukrayna və Ru­siyanı hücum əməliyyatlarından əl çəkməyə çağırıb və danışıq­ların təşkili üçün öz nümayən­dələrini Moskvaya və Kiyevə göndərməyə hazır olduğunu bildirib.

Dünya Möminlər Birliyinin sədri Leonid Sevastyanov bu­nunla bağlı bəyanatında qeyd edib ki, papa Fransisk Ukrayna münaqişəsinin tərəflərini hü­cum cəhdlərindən əl çəkməyə və danışıqlar masası arxasına oturmağa çağırıb: “Onlar istək­lərinə ancaq danışıqlar masası arxasında nail olacaq, döyüş meydanında isə bu, mümkün deyil. Danışıqlar hər iki tərəf üçün irəliləyişə səbəb olacaq. Əgər müharibə tərəfləri istəsə, papa danışıqlar prosesinin başlanmasına kömək edəcək. Roma papası danışıqlar üçün nümayəndələrini istənilən vaxt Kiyevə və Moskvaya göndər­məyə hazırdır”.

Tural İSMAYILOV, 
politoloq

Artıq uzun müddətdir ki, Ukraynanın əks-hücum əməliyyatına başlayacağı ilə bağlı fikirlər dolaşmaq­dadır. Nəzərə almaq la­zımdır ki, bu məlumat ilk dəfə Qərbin kəşfiyyat mən­bələrində yayılmışdı. Daha sonra Britaniya kəşfiyyatı bu məsələdə gücləndirilmiş mövqe ifadə etdi və əldə olunan kəşfiyyat məlumat­larına görə, yaz aylarında Ukraynanın əks-hücuma keçəcəyini açıqladı. Artıq mart-aprel ayları arxada qalıb və hesab edirəm ki, may ayının ortalarından eti­barən biz Ukraynanın Ru­siyaya qarşı əks-hücum və əks-həmlə əməliyyatlarına şahidlik edə biləcəyik. 

Baxmut ətrafında baş verən hadisələr də göstər­di ki, artıq Rusiya ordusun­da həm mənəvi-psixoloji durum kifayət qədər aşağı vəziyyətdədir, həm də bey­nəlxalq təcrübədə təsdiqini tapmış faktdır ki, işğalçı heç zaman sona qədər uğu­ra nail ola bilmir. Bundan əlavə, Ukraynaya edilən beynəlxalq hərbi və siyasi yardımların həcmi də ki­fayət qədər artıb.

Önəmli məsələlərdən biri də budur ki, əks-hücum­la bağlı söhbətlər təkcə kəş­fiyyat məlumatları və media proqnozları deyil. Artıq Uk­raynanın hərbi-siyasi rəh­bərliyi də birmənalı şəkildə etiraf edir ki, Rusiyaya qarşı əks-hücum əməliyyatlarına hazırlıqlar başa çatıb. Bu hazırlıq uzun müddətdir ki, davam edir. Burda NATO komandanlarının, alyansın yüksək biliklərə malik za­bitlərinin Ukrayna ordusu­nun təlim proseslərində və əks-hücum əməliyyatlarına hazırlanmasında fəal iştirak etdiyini də nəzərdən qaçıra bilmərik. 

Paşa ƏMİRCANOV, “Xalq qəzeti”