Bir yandan Kollektiv Təhlükəsizlik Müqaviləsi Təşkilatının (KTMT) sülh missiyasını öz ərazisində yerləşdirməyə hazır olduğunu bildirən Hayastanın baş naziri, digər tərəfdən, ABŞ Dövlət Departamentinin baş müşaviri ilə Ermənistan–Azərbaycan münasibətlərinin normallaşması məsələsini müzakirə edir. 

ABŞ – Fransa cütlüyü və Rusi­yanın timsalında iki od arasında vur­nuxan Ermənistanın baş naziri Nikol Paşinyanın bir gündə neçə stul dəyiş­məsi sualı daxili gündəmin əsas möv­zusuna çevrilib. Söhbət ondan gedir ki, Paşinyan əvvəlcə yerli jurnalistlərlə söhbətində Ermənistanın KTMT-nın sülhməramlı missiyasını öz ərazisin­də yerləşdirməyə hazır olduğunu bə­yan edib. Baş nazir bu zaman açıqla­masını siyasi bəlağətlə süsləməyi də unutmayıb: “Bu işə təkcə Rusiya deyil, Ermənistan da tam hazırdır”. 

Moskva ilə özlərinin narahatlıq dairəsini müəyyən etdiklərini xüsusi vurğulayan Paşinyan bu məsələdə əsas istəklərinin KTMT missiyasının “yüksək effektivliyə” mailk olması ilə bağlı olduğunu söyləyib. Amma pozitiv diplomatik bəyanatın ardınca hayların baş naziri haqqında danışılan məsələ ətrafında müzakirələrin davam etdiyini söyləməyi də unutmayıb. 

* * * 

Oxucuların nəzərinə çatdıraq ki, aprelin 5-də Rusiya XİN-in rəsmi nü­mayəndəsi Mariya Zaxarova ənənə­vi brifinqdə məsələ ilə bağlı maraqlı açıqlama vermişdi: “Kreml KTMT mis­siyasının Ermənistana daxil olmasının regionda sabitliyə xidmət edəcəyinə inanır və süllməramlıların mümkün yerləşdirmə müddəti birbaşa İrəvan­dan asılıdır. İndi top Ermənistan tərə­findədir”. 

Əgər Zaxarovanın nəzərdə tut­duğu top yalnız Ermənistanın siyasi meydançasında olsaydı, problemdən danışmağa lüzum qalmazdı. Amma, təəssüf ki, heç cür sərbəst oyunçu ol­mağı bacarmayan baş nazir Nikol Pa­şinyan son iki ildə artıq neçənci dəfədir özünü eyni vaxtda iki stulda əyləşmək zərurəti ilə iz-üzə qoyur. Axı Qərbin bö­yük gücləri də ehtiyat skamyada göz­ləmək fikrində deyillər və onlar Paşin­yanın altına öz stullarını sürüşdürmək cəhdlərindən əl çəkənə oxşamırlar. 

Hayastan baş nazirinin KTMT mis­siyası barədə Moskvaya “şad xəbəri” çatdırandan bir neçə saat sonra İrə­vanda ABŞ Dövlət Departamentinin Qafqaz danışıqları üzrə baş müşaviri Luis Bono ilə görüşməsi ikinci stul ver­siyasının nə qədər real olduğunu bir daha təsdiqləyir. Bəs, görəsən, Paşin­yan cənab Bono ilə görüşündə nədən danışıb? Erməni mediasının yazdığı­na görə, bu görüşdə müzakirə edilən əsas mövzu Ermənistan - Azərbaycan münasibətlərinin normallaşması, regi­onal nəqliyyat infrastrukturunun blok­sızlaşdırılması kimi məsələlər olub. 

Moskvaya ötürdüyü ismarıcla nü­mayiş etdirdiyi mövqeyə daban-da­bana zidd platformada müzakirələr aparan Paşinyan Kremllə müharibə vəziyyətində olan ABŞ Administrasi­yasının regionda sabitliyin və təhlükə­sizliyin təmin olunması istiqamətində səylərinin vacibliyini vurğulamağı da unutmayıb. Üstəlik, yüksək çinli qo­nağa mövcud problemlərin nizamlan­masına dair erməni tərəfinin yanaşma variantlarını da təqdim edib. Yəni, er­məni bicliyi Nikola ikinci stulu əldən buraxmasına imkan vermir.

Onu yeri görünməyən üçüncü stula isə özününkülər - daşnaklar, lobbiçilər əyləşdirməyə çalışırlar. Hayların öz tarixindən məlumdur ki, üçüncü stulun yiyələri hər dəfə çıxılmaz vəziyyətə düşəndə ipə-sapa yatmayan etnik hədəflərini diplomatik dillə deyil, bir qayda olaraq, terrorun, sui-qəsdlərin vasitəsilə “başa salmağa” üstünlük ve­riblər. Son vaxtlar erməni cəmiyyətinin siyasi gündəmində dartışılan bu arzu­olunmaz ehtimal - versiyanın özünü doğrultmasını qətiyyən arzulamırıq.

İ.HƏSƏNQALA, “Xalq qəzeti”