ABŞ-ın müdafiə naziri Lloyd Ostin Avropaya səfəri çərçivəsində dünən Stokholma gəlib. Pentaqonun şefi Burada isveçli həmkarı Pal Yonsonla görüşündə deyib ki, “Biz İsveçi yaydan əvvəl NATO-nun üzvü kimш görmək istərdik”.
L.Ostin həmçinin bu sözləri əlavə edib: “Biz İsveçin NATO-ya sürətlə daxil olması istiqamətində səylərimizi davam etdirmək əzmindəyik. Çalışacağıq ki, yaydan əvvəl bunu başa çatdıraq. Mən bunu çox vacib hesab edirəm”.
Xatırladaq ki, 2022-ci il fevralın 24-də Rusiyanın Ukraynaya qarşı başladığı hücumdan bir müddət sonra Finlandiya və Ukrayna Şimali Atlantika Alyansına üzv olmaq qərarına gəlib. Lakin NATO üzvü olan Türkiyə hökuməti hər iki ölkənin ərazisində kürd yaraqlıları və onların tərəfdarlarının himayə olunduğunu səbəb kimi gətirərək bir sıra tələblər irəli sürdü.
Qeyd edək ki, Helsinki bu tələbləri yerinə yetirsə də, Stokholm ilə Ankara arasında bu məsələ ilə bağlı razılaşma əldə olunmadığı üçün İsveçin alyansa üzvlüyü təxirə salındı.
“Xalq qəzeti”