Xalq yazıçısı Elçinin yeni çoxcildliyinin 2-ci və 3-cü cildləri çapdan çıxmışdır. Cildlərə ədibin “Mahmud və Məryəm”, “Ağ dəvə”, “Ölüm hökmü” və “Baş” kimi məşhur romanları daxil edilmişdir.

Azərbaycan oxucuları bu romanlarla yaxşı tanışdırlar. Ədibin hələ  1982-ci ildə yazdığı “Mahmud və Məryəm”romanı oxucuların böyük marağına səbəb olmuş, oların dərin rəğbətini qazanmışdır. “Əsli və Kərəm” dastanının motivləri əsasında yazılmış bu əsər dastanlarımızdan istifadə edilərək yazılmış ilk roman kimi ədəbi tənqid tərəfindən də yüksək qiymətləndirilmişdir.  Sonrakı dövrlərdə işıq üzü görmüş “Ağ dəvə  ((1984),  “Ölüm hökmü” (1989) və “Baş” (2015) romanları Azərbaycan ədəbiyyatının ən yaxşı nümunələri sırasındadır.

Bu əsərlər Azərbaycanda dəfələrlə nəşr olunmş, onların haqqında bir çox məqalələr dərc edilmlş, elmi tədqiqatlar aparılmış, kitablar yazılmışdır.

Xalq yazıçısının romanları xarici dillərə tərcümə edilmiş, türk, ingilis, rus, alman, ərəb, ukrayna, özbək, rumın, serb, italyan, macar və bir sıra digər dillərdə nəşr olunmuş, səhnələşdirilmiş, ekranlaşdırılmışdır.