Mədəniyyət nazirinin müavini Səadət Yusifovanın rəhbərlik etdiyi nümayəndə heyəti UNESCO-nun Ümumdünya İrs Komitəsinin Hindistanın paytaxtı Nyu-Dehli şəhərində keçirilən 46-cı sessiyasında iştirak edir.

Nazirlikdən bildirilib ki, açılış məra­simində UNESCO və ICESCO-nun rəh­bər heyətlərində təmsil olunan şəxslər çıxış ediblər. Səadət Yusifova sessiya çərçivəsində ICESCO-nun təşkil etdiyi “İslam dünyasının irsi” adlı tədbirdə çıxış edib. O, ölkəmizin mədəni irsi, Qarabağ­da işğalçıların dağıtdığı mədəni mira­sın bərpası, noyabrda Bakıda keçirilə­cək COP29 çərçivəsində Azərbaycanın təşəbbüsləri haqqında geniş məlumat verib. İslam İrsi Komitəsinin 12-ci sessi­yasının oktyabr ayında “İslam dünyası­nın mədəniyyət paytaxtı” Şuşa şəhərində keçiriləcəyi diqqətə çatdırılıb. Dünya irsi xəzinəsinə misilsiz incilər bəxş etmiş İs­lam dünyasında mədəni mirasın daha yaxşı qorunması və inkişafı işində ICES­CO-nun İslam İrs Komitəsinə uğurlar ar­zulanıb.

Sessiya çərçivəsində ölkəmizin nü­mayəndə heyəti bir sıra ikitərəfli görüşlər də keçirib. UNESCO baş direktorunun mədəniyyət məsələləri üzrə müavini, Af­rika Dünya İrsi Fondunun icraçı direkto­ru, eləcə də tərəf ölkələr olan Vyetnam xarici işlər nazirinin müavini, Belarusun ətraf mühit nazirinin birinci müavini, Avst­riya Xarici İşlər Nazirliyinin mədəniyyət üzrə idarəsinin baş katibi, Bəhreyn mə­dəniyyət nazirinin müavini, Şri-Lanka nümayəndə heyəti, İspaniya nümayən­də heyəti və digər rəsmilərlə təmaslarda ikitərəfli münasibətlərin gündəliyi mü­zakirə edilib. Mədəni irsin iqlim dəyişik­liklərinin mənfi təsirlərindən qorunması istiqamətində təşəbbüslər, o cümlədən Azərbaycanın COP29-a ev sahibliyi çər­çivəsində mədəniyyət yönümlü tədbirlər və təşəbbüslər barədə məlumat verilib.

XQ