Mədəniyyət Nazirliyi və Rəqəmsal İnkişaf və Nəqliyyat Nazirliyinin tabeliyində olan İnnovasiya və Rəqəmsal İnkişaf Agentliyinin (İRİA) birgə əməkdaşlığı çərçivəsində Azərbaycanı təmsil edən komanda ABŞ-da keçirilən Oyun Tərtibatçıları Konfransına qatılıblar.
Oyun sənayesi sahəsi mədəniyyət və yaradıcı sənayelərin önəmli klasterlərindəndir. “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın müvafiq bəndinin icrası ilə əlaqədar Mədəniyyət Nazirliyi də sözügedən konfransda layiqincə təmsil olunub.
Qeyd edək ki, bu ilin mart ayında San Fransisko şəhərində keçirilən (Game Developers Conference) konfransda 4 ədəd oyun studiyası (“Dynamic Box”, “Cool Bears”, “Darts Games”, “AzDimension”) və 1 oyun inkubasiya mərkəzi (“Gamepons”) iştirak edib.
“Gametech” Azərbaycanda yeni investisiyaları cəlb etməyə, hekayələr, qrafik dizayn və animasiya kimi sahələrdə çalışan mütəxəssislərin təkmilləşməsinə, mədəni irsin tanıdılmasına və qeyri-neft sektorunun şaxələndirilməsinə təkan verir.
Ə.DOSTƏLİ
XQ