“Keçmişimizə baxanda Özbəkistan və Azərbaycan xalqları arasında daim ədəbi əlaqələr mövcud olub. Təəccüblü deyil ki, bir çox Azərbaycan yazıçıları Özbəkistanda yaşayıb-yaradıblar. Eyni zamanda Özbəkistan yazıçıları Azərbaycanda yaşayıb-yaradıb, ədəbiyyatına böyük töhfə veriblər”.

Bu fikirləri Azərbaycanda Özbəkistan Mədəniyyəti Günlərində iştirak etmək üçün ölkəmizə gəlmiş nümayəndə heyə­tinin rəhbəri, qardaş ölkənin Mədəniyyət naziri Ozodbek Nazarbekov jurnalistlərə müsahibəsində söyləyib.

Nazir qeyd edib ki, üç gün müddətində Azərbaycanda keçirilən Özbəkistanın mə­dəniyyət günləri çərçivəsində təşkil oluna­caq silsilə tədbirlər ədəbiyyat sahəsini də əhatə edir.

“Nümunə kimi Abdulla Qədirinin “Ötən günlər” əsərinin Azərbaycan dilində yeni tərcümə olunmuş nəşrini göstərə bilərik. Tədbirdə alimlərin qeyd etdiyi kimi, Azər­baycanla birlikdə görəcəyimiz vacib işlə­rimiz var. İki ölkə arasında tarixən forma­laşan ədəbi tərəfdaşlıq bu gün də davam edir və bu əlaqələr sayəsində dünyada böyük nailiyyətlər qazanacağıq. Bu, bü­tövlükdə, türk ədəbiyyatının nüfuzunun dünya miqyasında artmasına kömək edə­cək. Bu gün biz bunun şahidiyik. Ədəbi əlaqələrimizin qədim zamanlardan bəri möhkəm təməli var. Lakin mədəniyyət sahəsində əlaqələr Özbəkistan və Azər­baycan xalqının, bütün türk dünyasının ədəbi potensialını dünyaya nümayiş et­dirməsinin bəlkə də ən düzgün yoludur”, - deyə nazir Ozodbek Nazarbekov əlavə edib.

“Xalq qəzeti”