Azərbaycan Bəstəkarlar İttifaqında (ABİ) unudulmaz bəstəkar, Xalq artisti Elza İbrahimovanın 85 illiyinə həsr edilmiş “Sən yadıma düşəndə” adlı kitabın təqdimat mərasimi keçirilib. ABİ-nin dəstəyi ilə ərsəyə gələn kitabın müəllifi Zəhra İbrahimovadır (Ələkbərova).
Bəstəkarlar İttifaqının sədri, AMEA-nın müxbir üzvü, Xalq artisti Firəngiz Əlizadə, sənətşünaslar Leyla Zöhrabova, Ülkər Talıbzadə və Aytən Babayeva mahnıları ilə ölməzlik qazanan bəstəkarın bənzərsiz istedadı, həmişəyaşar sənəti barədə dəyərli fikirlər söyləyiblər. Milli Məclisin deputatı Hikmət Babaoğlu bir musiqisevər kimi E.İbrahimovaya sevgi-sayğısını ifadə edib.
Sonra bədii hissə olub və Elza İbrahimovanın mahnıları ifa edilib. Bəstəkarın qardaşı Çingiz İbrahimov ailəsi adından Bəstəkarlar İttifaqına və tədbir iştirakçılarına minnətdarlığını bildirib.
Hazırladı:
Ə.DOSTƏLİ, “Xalq qəzeti”
