Azərbaycan Respublikasının Kənd Təsərrüfatı Nazirliyi və Rusiya Fede­rasiyasının Kənd Təsərrüfatı Nazirliyi arasında kənd təsərrüfatı sahəsində Azərbaycan–Rusiya işçi qrupunun 5-ci iclası keçirilib. İclasda Azərbaycanın kənd təsərrüfatı nazirinin müavini Elçin Zeynalov, Rusiyanın kənd təsər­rüfatı nazirinin müavini Sergey Levin, iki ölkənin müvafiq strukturları və aqrar sahədə fəaliyyət göstərən müəssisələrin nümayəndələri iştirak ediblər.

İclasda Azərbaycan və Rusiya arasında kənd təsərrüfatı sahəsində mövcud vəziyyətə toxunulub, tərəflər ölkələrimiz arasında kənd təsərrüfatı sektorunda da əlaqələrin inkişaf etdiyini vurğulayıblar.

İşçi qrupunun iclasında iki ölkə ara­sında kənd təsərrüfatı və qida məhsul­larının ticarət dövriyyəsinin artırılması, aqrar sahədə ən müasir texnologiyaların transferi, rəqəmsallaşma, elmi-tədqiqat və təhsil sahələrində təcrübə proqram­larının həyata keçirilməsi sahələrində əməkdaşlıq və digər məsələlər müzakirə olunub. 

Tərəflər müzakirə edilən məsələlər üzrə əməkdaşlıqda maraqlı olduqlarını bildirib, əməkdaşlığın perspektivləri ət­rafında fikir mübadiləsi aparıblar. İclas çərçivəsində kənd təsərrüfatı sahəsində yeni əməkdaşlıq imkanları nəzərdən ke­çirilib. 

XQ