Qarabağ Dirçəliş Fondunun təşəbbüsü və təşkilatçılığı, Azərbaycan Mədə­niyyət Nazirliyi və Şuşa Şəhər Dövlət Qoruğu İdarəsinin dəstəyi ilə Şuşada “Qa­rabağ gecəsi - Şuşa” adlı xeyriyyə konserti keçirilib.

Üzeyir Hacıbəyli XVI Beynəlxalq Mu­siqi Festivalı çərçivəsində baş tutan və QDF tərəfindən “YAMAHA” istehsalı olan bö­yük konsert royalının Şuşa şəhərinə hədiyyə edilməsinə həsr edilən konsertdə dövlət rəs­miləri, Fondun donor və tərəfdaşları, tanın­mış mədəniyyət və incəsənət xadimləri və şəhər sakinləri iştirak ediblər.

Tədbirdə çıxış edən Qarabağ Dirçəliş Fondunun İdarə Heyətinin sədri Rəhman Hacıyev konsertin əsas məqsədi barədə mə­lumat verib:

“Ali Baş Komandan, cənab Prezident İlham Əliyevin rəhbərliyi ilə müzəffər Or­dumuzun Vətən müharibəsində qazandığı möhtəşəm qələbədən sonra işğaldan azad edilən ərazilərdə irimiqyaslı tikinti-quru­culuq işləri aparılır. Artıq ənənə halını alan bu konsert də doğma Qarabağın bərpası istiqamətində görülən işlərə dəstək olmaq məqsədilə keçirilir. 

Bu konsert artıq 3 dəfə Bakı və Gəncə şəhərlərində keçirilib və məhz onun keçi­rilməsindən əldə edilən ianələr hesabına bu gözəl royal musiqi aləti alınaraq Şuşa şəhə­rinə hədiyyə edilib. 

Bakı Musiqi Akademiyasının rektoru Fərhad Bədəlbəyli çıxış edərək “Qarabağ gecəsi” xeyriyyə konsertinin işğaldan azad edilmiş ərazilərimizdə mədəni irsimizin bər­pasına verdiyi töhfəni xüsusi olaraq vurğu­layıb.

Çıxışlardan sonra tədbir bədii hissə ilə davam edib. Xalq artistləri Fərhad Bədəl­bəyli və dünya şöhrətli tenor Yusif Eyvazov, solistlər Yeganə Axundova (piano), Gülnaz İsmayılova (soprano), Mahir Tağızadə (bari­ton), Nəzrin Aslanlı (violin), Qəmər Kərimli (violin) və başqaları qonaqlara əsl musiqi ziyafəti yaşadıblar.

XQ