Türkiyənin Qars şəhərində Diasporla İş üzrə Dövlət Komitəsinin dəstəyi ilə, Türkiyə Azərbaycan Assosiasiyaları Federasiyası və Qars Azərbaycan Qafqaz Mədəniyyətləri Assosiasiyası tərəfindən təşkil olunan “Qərbi Azərbaycana Qayıdış” Qars Forumu keçirilib.

TADEF üzvü Qars Assosiasiyasının sədri Nəbi Arıq, TADEF-in sədri vəzifəsi­ni icra edən Pərviz Məmmədzadə, DİDK sədrinin birinci müavini Valeh Hacıyev, Azərbaycanın Qars şəhərindəki baş kon­sulu Nuru Quliyev, Qars bələdiyyəsi baş­çısı professor Ötiken Senger çıxışların­da forumun əhəmiyyətindən danışıblar. Çıxışçılar bu toplantıların Qərbi azərbay­canlıların hüquqlarının təmin olunması və onların vətənlərinə dönmələri prosesinin gündəmdə saxlanılmasına töhfə verəcə­yinə inandıqlarını bildiriblər.

Forumun ikinci hissəsində TADEF sədrinin müavini Səttar Kaya, Qərbi Azər­baycan İcması İdarə Heyəti sədrinin müa­vini Hikmət Babaoğlu, Qafqaz Universite­tinin professoru Hacəli Nəcəfoğlu, AMEA Tarix İnstitutunun əməkdaşı dosent Na­zim Mustafa və Qafqaz Universitetinin professoru Mustafa Kop çıxış edərək, Qərbi Azərbaycan anlayışı və həqiqətlə­ri, eləcə də Azərbaycanın haqlı tələbləri barədə məlumat veriblər.

XQ