Naxçıvan Muxtar Respublikası Rəssamlar Birliyinin Bəhruz Kəngərli adına Sərgi Salonunda Əməkdar rəssam Həmzə Sadiqovun 75 illiyi münasibətilə fərdi yaradıcılıq sərgisi açılıb.

“Rənglərin harmoniyası” adlanan sərgi Ulu öndər Hey­dər Əliyevin anadan olma­sının 101, Naxçıvan Muxtar Respublikasının yaranması­nın 100 illiyinə həsr olunub. Muxtar Respublika Rəssam­lar Birliyinin sədri Ülviyyə Həmzəyeva rəssamın həyat və yaradıcılığından bəhs edib, Milli Məclisin Mədəniy­yət Komitəsinin yubilyara təb­riklərini çatdırıb.

Naxçıvan Muxtar Respub­likası Ali Məclisinin sədr müa­vini Anar İbrahimov rəssamı təbrik edərək bildirib ki, Həm­zə Sadiqovun taleyi, həyatı həmişə vətənə bağlı olub. Bunu onun yaradıcılığından da görmək olur. Həmzə Se­yidov I Qarabağ mühaibəsi zamanı Sədərək döyüşlərin­də fədakarcasına iştirak edib. Ali Məclisin sədr müavini Əməkdar rəssamın realizm üslubunda yaratdığı əsərlərin Naxçıvana yeni bir baxışla baxmağa böyük imkan yarat­dığını bildirib, onun əsərlərini bir çox gənc rəngkar üçün ör­nək kimi dəyərləndirib. 

Mərasimdə Naxçıvan Dövlət Universitetinin rek­toru Elbrus İsayev, Türkiyə Respublikasının Muxtar Res­publikadakı baş konsulu Asip Kaya, Naxçıvan Müəllimlər İnstitutunun rektoru Azad Novruzov, Milli Məclisin depu­tatı Cəbi Quliyev, Azərbaycan Həmkarlar İttifaqları Konfe­derasiyasının sədr müavini, Naxçıvan Muxtar Respubli­kası Həmkarlar İttifaqları Şu­rasının sədri Qəzənfər Ab­dullayev, muxtar respublika Yazıçılar Birliyinin sədri Asim Əliyev, Ailə, Qadın və Uşaq Problemləri üzrə Dövlət Ko­mitəsinin sədri Ramilə Se­yidova, Memarlar Birliyinin sədri Heydər Əhmədov və Xalq rəssamı Hüseynqulu Əli­yev danışıb və yubilyara xoş arzularını çatdırıblar. 

Əməkdar rəssam Həmzə Sadiqov verilən dəyərə görə minnətdarlıq edib. Sonra sər­giyə baxış olub. Sərgidə onun müxtəlif janrlarda ərsəyə gə­tirdiyi 60-a yaxın əsəri nüma­yiş etirilir. 

XQ