Fevralın 17-də Qərbi Azərbaycan İcmasında təşkilatın mərkəzi orqanlarının rəhbərlərinin iclası keçirilib.

İcmadan bildiriblər ki, tədbiri giriş sözü ilə açan Qərbi Azərbaycan İcması İdarə Heyətinin sədri, Milli Məclisin de­putatı Əziz Ələkbərli Prezident İlham Əli­yevin 7 fevral seçkilərində Azərbaycan xalqının böyük etimadını qazanaraq qa­lib gəlməsini və andiçmə mərasimində söylədiyi fikirləri xüsusi vurğulayıb, onla­rı ölkəmizin gələcək inkişafı istiqamətin­də vacib addımlar olacağını qeyd edib.

Əziz Ələkbərli İcmanın 2024-cü ildə də soydaşlarımızın öz doğma torpaqla­rına sülh yolu ilə, təhlükəsiz və ləyaqətli şəkildə geri qayıdışı istiqamətində apar­dığı yorulmaz fəaliyyəti davam etdirə­cəyini, bu məqsədlə ölkə daxilində və xaricində bir sıra tədbirlərin planlaşdırıl­dığını diqqətə çatdırıb.

O, Qərbi Azərbaycan İcmasının İdarə Heyətinin və Aparatının 2024-cü ilin cari dövrü ərzində gördüyü işlər barədə mə­lumat verib və bu ilin növbəti aylarında görüləcək işlərin plan layihəsi ilə bağlı fikirlərini açıqlayıb.

Daha sonra Qərbi Azərbaycan İcma­sı Müşahidə Şurasının sədri, professor Misir Mərdanov, Ağsaqqallar Şurasının sədri, Milli Məclisin deputatı, professor Əhliman Əmiraslanov, Nəzarət-Təftiş Komissiyasının sədri, professor Vahid Novruzov, Qadınlar Şurasının sədri, Mil­li Məclisin deputatı Məlahət İbrahimqızı, Qərbi Azərbaycan İcması İdarə Heyəti sədrinin müavini, Milli Məclisin deputatı Hikmət Babaoğlu, Qərbi Azərbaycan İc­ması İdarə Heyəti sədrinin müavini, Milli Məclisin deputatı Ramil Həsən, Ziyalılar Şurasının sədri, professor Elxan Hüsey­nov, Ziyalılar Şurası sədrinin müavini, Milli Məclisin deputatı Nizami Cəfərov, Gənclər Şurasının sədri, Milli Məclisin deputatı Ramin Məmmədov, Qəyyumlar Şurasının sədri Mürvət Həsənov, Nəzarət – Təftiş Komissiyasının sədr müavini, Mil­li Məclisin deputatı Şahin İsmayılov, Qa­dınlar Şurası sədrinin müavini, Əməkdar mədəniyyət işçisi Telli Pənahqızı, Qadın­lar Şurası sədrinin müavini, filologiya üzrə elmlər doktoru Almaz Binnətova və digər şəxslər çıxış edərək Tədbirlər Planında əks olunanlarla bağlı təkliflərini səsləndi­rib, cari məsələlər ətrafında müzakirələr aparıblar.

XQ