Azərbaycan Respublikasının Rəqəmsal İnkişaf və Nəqliyyat Nazirliyinin Kollegiyası

QƏRAR

№ 3-27/3-7-17/2023 

Bakı şəhəri 14 dekabr 2023-cü il 

“Poçt-maliyyə xidmətləri” Avtomatlaş­dırılmış Korporativ İnformasiya Sisteminin çıxarışlarının uçotu Qaydalarının təsdiq edilməsi haqqında” Azərbaycan Respubli­kası Rabitə və İnformasiya Texnologiyaları Nazirliyi Kollegiyasının 2013-cü il 4 fevral tarixli 3 nömrəli Qərarında dəyişiklik edil­məsi barədə

Azərbaycan Respublikası Prezidentinin 2018-ci il 12 yanvar tarixli 1785 nömrəli Fər­manı ilə təsdiq edilmiş “Azərbaycan Respubli­kasının Rəqəmsal İnkişaf və Nəqliyyat Nazirliyi haqqında Əsasnamə”nin 3.0.53-cü yarımbən­dinə uyğun olaraq, həmin Əsasnamənin 5.11-ci bəndini rəhbər tutaraq, Azərbaycan Res­publikasının Rəqəmsal İnkişaf və Nəqliyyat Nazirliyinin Kollegiyası

QƏRARA ALIR:

1. Azərbaycan Respublikası Rabitə və İn­formasiya Texnologiyaları Nazirliyi Kollegiyası­nın 2013-cü il 4 fevral tarixli 3 nömrəli Qərarı ilə təsdiq edilmiş “Poçt-maliyyə xidmətləri” Av­tomatlaşdırılmış Korporativ İnformasiya Siste­minin çıxarışlarının uçotu Qaydaları”nda aşa­ğıdakı dəyişikliklər edilsin:

1.1. 2.5-ci bənddə və 3.1.10-cu yarım­bənddə “Tranzaksiya” sözü “Ödəniş əməliyya­tını eyniləşdirməyə imkan verən istinad” sözləri ilə əvəz edilsin;

1.2. 3.1.4-cü yarımbənddən “unikal” sözü çıxarılsın;

1.3. 3.1.11-ci yarımbənddə “Tranzaksiya­nın” sözü “Əməliyyatın” sözü ilə əvəz edilsin;

1.4. 4.2-ci bənd ləğv edilsin;

1.5. 5.3-cü bənddə “istənilən vaxt” sözləri “5 il ərzində” sözləri ilə əvəz edilsin.

2. Hüquq şöbəsinə tapşırılsın ki, bu Qəra­rın Azərbaycan Respublikasının Hüquqi Aktların Dövlət Reyestrinə daxil edilməsi üçün 3 (üç) gün müddətində Azərbaycan Respublikasının Ədliy­yə Nazirliyinə təqdim edilməsini təmin etsin.

3. Bu Qərar Azərbaycan Respublikasının Hüquqi Aktların Dövlət Reyestrinin elektron va­riantında dərc edildiyi gündən qüvvəyə minir.

Kollegiyanın sədri, rəqəmsal inkişaf və nəqliyyat naziri Rəşad Nəbiyev