Ölkəmizdə səfərdə olan Özbəkistan Respublikasının rəqəmsal texnologiyalar naziri Şerzod Şermatovun rəhbərlik etdiyi nümayəndə heyəti “ASAN xidmət” mərkəzinin fəaliyyəti ilə tanış olub.
Agentliyin sədri Ülvi Mehdiyev qonaqlara “ASAN xidmət”, eləcə də Dövlət Agentliyinin digər fəaliyyət istiqamətləri ilə bağlı məlumat verib.
Həmçinin “ASAN xidmət” modelinin Özbəkistan da daxil olmaqla müxtəlif ölkələrdə uğurla tətbiq olunduğu vurğulanıb. Qeyd olunub ki, hazırda Özbəkistanda “ASAN xidmət” modeli əsasında208 xidmət mərkəzi uğurla fəaliyyət göstərir.
Görüşdə Dövlət Agentliyi ilə Özbəkistanın müvafiq qurumu arasında əməkdaşlıq perspektivləri müzakirə olunub və startaplara dəstək sahəsində birgə fəaliyyətə dair razılıq əldə olunub.
XQ