Azərbaycan Ukraynanın enerji sisteminin bərpası üçün dəfələrlə humanitar yardımlar göndərib. Bu barədə Ukraynanın Energetika Nazirliyindən bildirilib.
Qeyd olunub ki, bu ilin sonuna qədər yeni yardım partiyasının tədarükü gözlənilir. Həmçinin bildirilib ki, Ukraynanın energetika naziri German Qaluşenko və Azərbaycanın Ukraynadakı fövqəladə və səlahiyyətli səfiri Seymur Mərdəliyev neft-qaz sənayesində əməkdaşlığı, xüsusən də ehtiyatların saxlanması və tranziti məsələsini müzakirə ediblər.
Xatırladaq ki, Prezident İlham Əliyev Ukraynaya humanitar yardım göstərilməsi məqsədilə iyulun ortalarında Energetika Nazirliyinə 7,6 milyon dollar vəsait ayrılması haqqında Sərəncam imzalayıb. Hazırda bununla bağlı hazırlıq işləri gedir. Yaxın vaxtlarda paylayıcı şəbəkələrin bərpası üçün Ukraynaya avadanlıq ötürülməsi planlaşdırılır.
XQ